АЛЕКСАНДАР ТРАЈАНОВСКИ: Макрадули чека влез во НАТО за почист воздух, а Шилегов мисли само како да им ги земе парите на граѓаните!
Претседателот на Градската Организација на Скопје на ГРОМ и член на Советот на Град Скопје, Александар Трајановски, денес одржа прес по повод енормното загадување на воздухот и притоа истакна дека мерките кои ги превзема извршната и локалната власт се несуштински, недоволни и популистички, а планот за почист воздух очигледно дека не постои.
Во продолжение интегрален текст од пресот:
Почитувани, министерот за екологија не се бави со проблемите на граѓаните, макрадули чека влез во НАТО за почист воздух, а Шилегов мисли само како да им ги земе парите на граѓаните од џебот. Каде е планот за почист воздух кој го имаа и го ветуваа, вели советникот во Град Скопје, Александар Трајановски.
-Состојбата со загадувањето на воздухот е алармантна и повеќе од загрижувачка. Мерките кои ги превзема градот Скопје и владата се несуштински, недоволни и популистички.
Целокупниот план кој тврдеа дека наводно го имаат, преставува фијаско и замајување на јавноста, најдобар доказ е рекордното ниво на загаденост, со што Скопје се здоби со прво место и стана најзагаден град во Светот.
Веќе станува збор за потврдена лага, нема чист воздух како што ветуваше градоначалникот Шилегов. А ветуваа дека имаат план, дека имаат визија. Нема суштински мерки, а како минува времето, повеќе од очигчедно е дека план за почист воздух не постои.
Тие лажеа и лажат, и си поигруваат со здравјето на луѓето. Потребно е прогласување на вонредна состојба и итни и драстични мерки кои ќе ги предложат стручњаците и експерите. Да престанат мерките кои се несуштински, експериментални и се замајување на јавноста. Единствено што паметат скопјани како мерка е поскапиот паркинг ,а полни џебови на градот Скопје, но не и ефект за почист воздух. Потребна е сериозна иницијатива и активизам веднаш, план за почист воздух дефинитивно нема, се вели во изјавата.
