Граѓанска Опција за Македонија

Граѓанска Опција за Македонија

ПРЕС -КОНФЕРЕНЦИЈА: ПОДДРШКА ЗА МАНИФЕСТОТ – „НЕ“ ЗА РЕФЕРЕНДУМОТ

 04.04,2017 година

,,ГРОМ  го поздравува  духот и граѓанскиот концепт за развој на Република Македонија кој превладува во обзнанениот „Манифест“ , со нагласка на основните граѓански и човекови права: правото на самоидентификација, на религиозна определба,  за зачувување и промоција на идентитетот и посебностите на сите наши сограѓани: Македонци, Албанци, Турци, Роми, Срби, Власи, Бошњаци и сите други кои се дел од мултикултурализмот во македонското општество“!

Ова денес го истакна потпретседателот на Граѓанската опција за Македонија Љупчо Пренџов,  по повод објавениот „Манифест“ од страна на ВМРО – ДПМН, во своето обраќање до медиумите.

Потпретседателот Пренџов,  исто така нагласи дека ГРОМ го поддржува залагањето на државата да продолжи да го подобрува амбиентот за функционална пазарна економија и претприемаштво, како главен услов за развој на економијата и предуслов за создавање на побогато општество и индивидуи.

  • ГРОМ го поддржува „Манифестот“ , исто така зошто јасно ја отсликува нашата евроатланска ориентација , бидејќи сметаме дека ги делиме истите вредносни системи со западните држави. Овој „Манифест“ го потенцира унитарниот карактер на Република Македонија и непроменливоста на Уставот врз основа на дневно политички пазарења. За нас, посебно е прифатлив делот на отстранување на мешање во внатрешните работи на државата од страна на било кои странски влади или нивни претставници, дециден беше Пренџов.
  • Потпретседателот на Граѓанската опција за Македонија , напомена дека конечно, за прв пат, во овој документ  се промовира дијалог на власта и опозицијата во рамките на институциите на системот  за клучните прашања од национален интерес. Пренџов нагласи дека единствена работа за која ГРОМ има резерви е прашањето за името и можноста тоа да биде поставено на референдум.
  • Ставот на ГРОМ веќе одамна е искажан и јасен: ,, Ние името ниту сме го добиле на референдум, ниту ќе го смениме на референдум“. Такво право нема ниту една од сегашните или идни генерации граѓани на оваа држава. ГРОМ и натаму ќе стои зад државните интереси на Македонија и ќе ги поддржува сите активности во таа насока, го заврши своето излагање пред медиумите, потпретседателот на Граѓанската опција за Македонија Љупчо Пренџов.

 

Споделете го линкот на социјалните мрежи
Share on facebook
Facebook
Share on google
Google
Share on twitter
Twitter
Share on linkedin
Linkedin