„ЕПОПЕЈА ЗА БОЛКАТА“ ВО ЧЕСТ НА СВ. КИРИЛ И МЕТОДИЈ
20.05.2016 година
Форумот на жени ГРОМ – Карпош со поетска вечер го одбележа 24. Мај, Денот на сесловенските просветители и учители Св. Кирил и Методиј. Поетското читање насловено како „Епопеја за болката“ од поетесата Лидија Лучко Јеремиќ, беше уникатно доживување исполнето со извонредната и бескрајно емотивна поетска реч. Ракатките стихови со сета убавината на изразот, се испреплетоа со значењето на историско – културолошко и просветителско значење за светот со кое го заветија нашите просветители. Поетската вечер претставуваше уметнички осврт на идејата на словенската цивилизациска свест, токму од нејзината колевка – Македонија.
Присутните на поетското читање имаа можност да уживаат во оригиналните творби на нашата поетеса, зад која стојат збирките на поезија: „Дарагаја“, „Низ танцот на љубовта“, „Лулка на срцето“, „Чудотворен колаж“, „Моето име е љубов“ и последниот проект „Епопеја за болката“. Тој е веќе преведен на осум јазици, и на предлог на Фондацијата “Никола Кљусев” избран од Министерството за култура на Република Македонија, како книга која беше прва промовирана на Саемот на книга- Скопје 2016.
Најсреќните присутни беа наградени со збирки поезија, а седиштето на Граѓанската опција за Македонија се исполни со убавина која единствено поезијата може да ја дари.