ГОЛЕМ ПРЕДИЗБОРЕН МИТИНГ ВО КАРПОШ
Вечерва, со почеток од 19:30 часот на платото во Т.Ц Лепторија ( во Карпош 3), ќе се одржи првиот голем предизборен митинг на Граѓанската опција за Македонија и Коалицијата „За подобра Македонија“. Кандидатот за градоначалник на Општина Карпош, и воедно претседател на ГРОМ Стевчо Јакимовски ќе одржи говор.
Исто така и кандидатот за градоначалник на Град Скопје од редовите на коалицијата Коце Трајановски ќе се обрати пред присутните карпошани. На митингот ќе бидат претставени и кандидатите за советници од редовите на Граѓанската опција за Македонија и од редовите на Коалицијата „За подобра Македонија“.