КАРАВАНОТ НА ГРОМ ГО ПОСЕТИ КУМАНОВСКИОТ РЕГИОН
Денеска, (22.04.2014), лидерот на коалицијата ГРОМ, Стевчо Јакимовски и носителот на листата за избор на пратеници на коалицијата ГРОМ од изборната единица број 2, Виктор Цветковски, беа во обиколка на кумановскиот пазар и остварија средби со кумановочани во центарот на градот. Притоа, Јакимовски и Цветковски ги посетија лицата со пречки во развојот во регионалниот центар „Порака наша“. Оттаму, претседателот на ГРОМ, Стевчо Јакимовски и носителот на пратеничка листа од ИЕ2 Виктор Цветковски, ги посетија жителите од селото Режановце каде поразговараа за секојдневните животни активности и проблеми со кои се соочуваат жителите од ова подрачје.
Првиот човек на Граѓанската опција за Македонија, пред присутните ја претстави изборната програма на ГРОМ, која нуди конкретни решенија кои ќе го подобрат животниот стандард на жителите од кумановскиот регион.
