Граѓанска Опција за Македонија

Граѓанска Опција за Македонија

Средба Поповски – Аренс

13.03.2014Денеска, 13 март 2014 година, кандидатот за претседател на Република Македонија од ГРОМ, проф. д-р. Зоран Поповски, одржа едночасовна средба со шефот на мисијата на ОБСЕ и ОДХР, Герт Хинрих Аренс, и со политичкиот аналитичар  на  Организацијата за безбедност и соработка на Европа, Елен Шустик.

Тема на разговорот беа претстојните претседателски и парламентарни избори, како и размената на мислења за начинот на нивната реализација и очекувањата за нивниот тек.

13.03.2014Во  таа насока, посебна нагласка се стави на релевантноста на избирачкиот список, со оглед на актуелната ситуација и на тоа што подолг период, речиси една и пол деценија, нема веродостојни податоци за бројот на населението во Македонија. Исто така, како чинители кои би можеле да влијаат врз текот и регуларноста на изборите беа посочени и синдромот на „фантомски гласачи“, како што беше случајот на последните локални избори, и масовното добивање двојно државјанство на граѓани на Република Македонија.

Една од клучните теми што се отвори во текот на дискусијата беше и рамномерната застапеност и третманот на сите кандидати за претседател на Република Македонија во медиумскиот простор.

13.03.2014.Оваа средба на кандидатот на ГРОМ за претседател на државата е само продолжение од интензивната дипломатска активност, во рамките на која досега беа реализирани средбата со дипломатскиот кор и посебната средба што Поповски ја имаше пред два дена со шестчлената делегација на Парламентарното собрание на Советот на Европа.

 

Споделете го линкот на социјалните мрежи
Share on facebook
Facebook
Share on google
Google
Share on twitter
Twitter
Share on linkedin
Linkedin